13.05.2016 r. – Promocja książki Trzëmôjta w sercu kaszëbiznã

W programie:

– Bajki i legendy czytają w języku kaszubskim włodarze – Henryk Skwarło i Bogusława Engelbrecht oraz pisarze kaszubscy Jaromira Labudda i Stanisław Janke,

– konkursy z nagrodami,

– kiermasz promowanej książki.

Wikszi dzél tekstów przetłómaczëła z pòlsczégò na kaszëbsczi Jaromira Labudda, a Legeńdã ò Pòlëszi, Legeńdã ò Sławinie z Wiôldżi Wsë, Legeńdã ò Hélsczim Półòstrowie Maceja Tamkùna skaszëbił Tómk Fópka.

Bibloteka Pùblicznô Gminë Wejrowò miona Aleksandra Labùdë w Bólszewie, to nie je leno bëlnô i bògatô ksążkòwniô, ale téż òstrzódk kaszëbsczi kùlturë ò dzejanim prawie na wòjewódzką miarã. Bibloteka prowadzy rozmajité fòrmë ùpòwszechnianiô kùlturë, w tim je ju znónô z bënégò dzejaniô jakò wëdowizna.

Hewò tuwò mómë pòsobną ksążkã w I dzélu z tekstama sami direktor Janinë Bòrchmann a téż ji drëchów, lubieńców bibloteczi. Są w ti ksążce rozmajité ôrtë kaszëbsczi lëteraturë: drama na binã, bôjczi òpòwiednie. W II dzélu są dwie historiczné pòwiôstczi Maceja Tamkùna – jedna z czasów strzédniostalatów, drëgô tragicznô z cządu II swiatowi wòjnë. Wszëtkò je w całoscë sparłączoné kaszëbsczim jãzëkã, a téż jawernotą i mitologią kaszëbiznë.

Binowô bôjka Klucz Jaromirë Labùddë òpiérô sã w wikszim dzélu na naj dëchach i bògach, ju chùdzy òpisónëch przez ji òjca pisôrza Aleksandra Labùda. Główô herójka szukô w Mirochòwsczich Lasach i na Łebsczich Błotach zgùbionégò klucza do domôctwa, a w tim pòmôgają ji taczé dëchë jak Mamón czë Bòrowô Cotka. W całoscë je to alegòriô òbarnë kaszëbsczi tożsamòcë i rodny mòwë, chtërne kòżdi Kaszëba bë mùszôł nosëc w swòjim sercu(…).

W całoscë wszëtczé dokazë mają jednã ùdbã, jak w nôdpisu: Trzëmôjta w sercu kaszëbiznã, tak jak to je rzekłé w jigrze na binã Klucz Jaromirë Labùddë. Nen przesélënk je ùniwersalny i dlô dzecy, i dlô młodzëznã, i dlô lëdzy dozdrzeniałëch.

Stanisłôw Janka